Special Session of Parliament : લોકસભાની ચૂંટણીની તૈયારીના આપ્યા મોટા સંકેત, વિશેષ સત્ર બોલાવ્યું

લોકસભાની ચૂંટણીની તૈયારીના આપ્યા મોટા સંકેત

કેન્દ્ર સરકારે ગુરુવારે એક ચોંકાવનારી જાહેરાત કરી છે. મોદી સરકાર આવતા મહિને સંસદનું વિશેષ સત્ર બોલાવવા જઈ રહી છે જે 5 દિવસ સુધી ચાલશે. કેન્દ્રીય સંસદીય મંત્રી પ્રહલાદ જોશીએ ટ્વિટર દ્વારા આની જાહેરાત કરી હતી. મોદી સરકારના આ નિર્ણય બાદ અનેક અટકળો લગાવવામાં આવી રહી છે. આ જાહેરાત ત્યારે કરવામાં આવી છે જ્યારે વિપક્ષી ગઠબંધન ભારતની એક મહત્વપૂર્ણ બેઠક ગુરુવાર અને શુક્રવારે મુંબઈમાં યોજાઈ રહી છે. કેન્દ્રીય મંત્રી પ્રહલાદ જોશીએ લખ્યું, ’18 થી 22 સપ્ટેમ્બર સુધી સંસદનું વિશેષ સત્ર બોલાવવામાં આવી રહ્યું છે, જેમાં 5 બેઠકો થશે. અમૃતકાળ દરમિયાન સંસદના આ વિશેષ સત્રમાં સાર્થક ચર્ચા થવાની સંભાવના છે.Special Session of Parliament

રાજકારણમાં અલગ-અલગ ઘટનાઓ

ઉલ્લેખનીય છે કે આ ચૂંટણીનું વર્ષ ચાલી રહ્યું છે, દેશમાં આવતા વર્ષે લોકસભાની ચૂંટણી યોજાવાની છે તે પહેલા રાજકારણમાં અલગ-અલગ ઘટનાઓ જોવા મળી રહી છે. એક તરફ 31મી ઓગસ્ટ અને 1લી સપ્ટેમ્બરે મુંબઈમાં INDIA ગઠબંધનની બેઠક યોજાઈ રહી છે તો બીજી તરફ મોદી સરકારે સંસદનું વિશેષ સત્ર બોલાવ્યું છે.Special Session of Parliament

મણિપુર મુદ્દે સંસદનું ચોમાસુ સત્ર સંપૂર્ણપણે ધોવાઈ ગયું

ભારત સરકાર આ વર્ષને આઝાદીના અમૃત મહોત્સવ તરીકે ઉજવી રહી છે, જેમાં દેશની આઝાદીના 75 વર્ષ પૂર્ણ થયાની ઉજવણી કરવામાં આવી રહી છે. આ જ કારણ છે કે સ્વતંત્રતા દિવસથી લઈને સંસદ સત્ર સુધી દરેક જગ્યાએ વિશેષ કાર્યક્રમોનું આયોજન કરવામાં આવી રહ્યું છે. મણિપુર મુદ્દે સંસદનું ચોમાસુ સત્ર સંપૂર્ણપણે ધોવાઈ ગયું હતું, જ્યારે મોદી સરકાર વિરુદ્ધ વિપક્ષ દ્વારા અવિશ્વાસ પ્રસ્તાવ પણ લાવવામાં આવ્યો હતો. વિપક્ષ મણિપુરના મુદ્દા પર જ આ પ્રસ્તાવ લાવ્યા હતા, જેને સંસદમાં અવાજ મતથી પરાજય મળ્યો હતો. આ દરમિયાન બંને પક્ષો અને વિપક્ષોએ એકબીજા પર જોરદાર પ્રહારો કર્યા હતા.